photo Blog-Disclaimer-Banner_zpsehtfzdli.jpg

1

2

3

photo 886604_500812403308443_60734980_o_zpsxwdqti4i.jpg

4

photo stack-of-books-vintage-books-book-books-large_zpscgccczpy.jpg

5

الاثنين، 9 يناير 2017

خــتـام عام - 2016 - My Favourite Books & Reading Year

Facebook
Google+
Linkedin
Pinterest
Delicious
6:23:00 م  , , , ,  

كل سنة وأنتم طيبين جميعا ^_^  وعام سعيد باذن الله

🙋🙋🙋🙋🙋⇐⇐⇐⇐

 مع بداية جديدة حاولت ألخص الثلاث شهور اللي فاتت مع قناة كتاب قبل النوم على اليوتيوب وكل الكتب اللي تم قرائتها ومراجعتها على القناة من خلال فيديوهات على اليوتيوب أو هنا على البلوج ...
 غير احتفالنا بالوصول ل 600 لايك على
 صفحة الفيسبوك   
وأول رابح أو فايز معانا بثاني
giveaway 
واللي كان عبارة عن أجندة السنة الجديدة .. 

 الموضوع كان ممتع جدا بالنسبة ليا :))
أتمنى الشهر اللي جاي آخر يناير وهدايا جديدة تكون بنفس نجاح المرة دي .



وفي ختام عام 2016 كل سنة وانتم بخير وده فيديو تختيمة العام القرائي 2016
My Favourite Books and ReadingYear
 في الحلقة رقم 12 من حلقات كتاب قبل النوم لمراجعات الكتب المختلفة أو كما يقولون بوك ريفيو
(Book review) 
بيتم تجميع كتب قرأتها والكتب المفضلة خلال السنة وهي كالآتي :

 كتاب السـر لروندا بايرن The Secret by Rhonda Byrne

 مراجعة كتاب أنا مالالا I am Malala 

  رواية وقالت لي للكاتبة دعاء عبد الرحمن

 كتاب ٢٧ خرافة شعبية عن القراءة لساجد العبدلي وعبد المجيد تمراز 

 كتاب فتاة القطار لبولا هوكينز The Girl on the Train by Paula Hawkins

 رواية في ممر الفئران للكاتب أحمد خالد توفيق Ahmed Khaled Towfik

 رواية تحت سماء كوبنهاغن لحوراء النداوي  Hawra al-Nadawi

  فئران أمي حصة للكاتب الكويتي سعود السنعوسي 

 Broken Shadows by Tarek Refaat 
كتاب الفاروسيان جسر الساحل الشمالي للكاتب حسن أنور أمين 

 Does my head look big in this ? by Randa Abdel Fattah

 كتابين للدكتور عادل صادق كتاب مباريات سيكولوجية و كتاب العشق 

 كتاب الأرواح المتمردة للشاعر جبران خليل جبران

  بوك تاق  book tag 

 فيديوهات عن القراءة ، فوائد القراءة أومشاكل تواجه القارئ 






Read More

الأحد، 8 يناير 2017

الفاروسيان جسر الساحل الشمالي للكاتب حسن أنور امين - كتاب قبل النوم جودريدز

Facebook
Google+
Linkedin
Pinterest
Delicious
6:40:00 م  , , , , , , ,  


My rating: 3 of 5 stars


قبل أي حاجة بشكر الكاتب على إهدائه الكتاب ليا عشان اقراه وأعمل عنه ريفيو على اليوتيوب ، ممتنة جدا
^_^
بما إني اسكندرانية اهتميت الحقيقة بموضوع الرواية وهو ظريف طبعا بيتكلم فيه عن مزج الأصول أو الأعراق ومحو الفوارق باختصار شديد عن ال
Cosmopolitanism وطبعا الكوزموبوليتانية السكندرية بالذات ...

الكاتب رسم ملامح العالم قبل قرون فاتت وأضاف طابع تاريخي فلسفي للموضوع مع ذكر تفاصيل فعلية كأسماء أماكن أو مدن زي راقوده مثلا وهكذا وده شئ جميل ،غير إن اللغة الشاعرية في الحوار أعطتها جمال إضافي



لينك فيديو المراجعة على اليوتيوب






مشكلتي معاها كانت في الأسماء طبعا تقيلة إلى حد ما وبالرغم من إعجابي بلغة الكاتب والحوار لكنه للأسف اتوجد على حساب الأحداث نفسها والتفاصيل خاصة إن الرواية قُصيرة جدا على موضوع بالقيمة دي وعمق الفكرة ،كنت أتمنى استفاضة في التفاصيل زي ما بيحصل مع أي رواية فيها رسم لعالم مش موجود في الواقع الحالي .. 

 غير إن النهاية ماكــنتش مُرضــيّــة بالنسبة ليــّا ولا بنفس مســتوى الفكرة أبدا حســيتها إذ فجأة بتتحــول لحدوتة في كتاب للأطفال وكنت متوقعة إنها ح تبقى أقوى من كده بمراحل .. 

 وآخر حاجة كان نفسي يكتب مصادر البحث اللي وصل لها خصوصا إن الموضوع معتمد في الأساس على أحداث لها علاقة ما بالتاريخ لأن ده طبعا زي ما بنشوف في الكتب الاجنبية بيضيف طابع من المصداقية وإحساس بمجهود الكاتب كمان في تحضير المادة قبل تحويلها لعمل أدبي.

لكن في العموم الأحداث ظريفة وممتعة واستمتعت بالكتاب فعلا ..
في النهاية بتمنى للكاتب التوفيق وبنتظر أعماله اللي جاية أكيد وبهنيه على اجتهاده الصراحة.
 شكرا
:)




Read More

السبت، 7 يناير 2017

Broken Shadows by Tarek Refaat - ketabablelnoom on Goodreads

Facebook
Google+
Linkedin
Pinterest
Delicious
5:30:00 م  , , , , , ,  


My rating: 3 of 5 stars


قبل أي حاجة بشكر الكاتب على إهدائه الكتاب ليا عشان اقراه ممتنة جدا
^_^


الرواية كانت مسلية واتفاجأت بيها خصوصا بسبب التحول اللي حصل في الأحداث بعد الصفحة ال20 تقريبا ..
كان عندي انطباع عنها من وصف الجودريدز أو ال description
أنها رومانسية بحته ومش عارفة الحقيقة اذا كان ده مضلل ولا مقصود لكن لولا إني شفت فيديوهات للكاتب على انستجرام بيوصف فيه إن الرواية فيها كلام عن جواسيس ومغامرات كنت ح استغرب جدا اللي حصل وبالرغم من ده ف النقلة دي عجبتني الحقيقة بس مشكلتي معاها إنها اتأخرت حبتين وخصوصا إن عدد صفحات الكتاب مش كتير كلهم 117 أو 120 صفحة لكم من ضمنهم حوالي 20 صفحة مقدمة للأحداث لو قلنا بالمقارنة برواية مثلا بتتكون من 300 صفحة مش ح تبقى مشكلة لكن هنا كانت عيب كبير من العيوب .

لينك فيديو المراجعة على اليوتيوب




لكن في العموم الأحداث ظريفة وممتعة ..
وحسيت إن الشخصيات النسائية أكثر حيوية فيها عن الشخصيات الذكورية وفكرتني بحاجتين أولا بفيلم
Wanted for Angelina Jolie & James McAvoy
وثانيا
بروايات نبيل فاروق رجل المستحيل أوي بس هنا ح يبقى اسمها فتاة المستحيل .. مش عاوزة أحرق أحداث طبعا لكن العيب التاني اللي ضايقني كان بس في تكرار أجزاء من الحوار معينة وبتضيف نفس المعنى والهدف فمن رأيي ماكانش ليه لازمة التكرار .
في النهاية بتمنى للكاتب التوفيق وبنتظر أعماله اللي جاية أكيد وبهنيه على اجتهاده الصراحة.
شكرا
:)






** المصادر :


Read More

الخميس، 29 ديسمبر 2016

تحت سماء كوبنهاغن للكاتبة حوراء النداوي - كتاب قبل النوم جودريدز

Facebook
Google+
Linkedin
Pinterest
Delicious
12:00:00 م  , , , , , ,  


My rating: 2 of 5 stars


description

سمعت عن الكتاب طبعا خصوصا بسبب ترشيحه لجايزة البوكر العربية لكن ماحاولتش اقرأه لحد اقتراح مجتمع البوكتيوبرز العرب على تويتر إنه يكون كتاب الشهر وكالعادة توقعت كثير وللأسف تم خذلي برضه كعادة أغلب ما قرأته مؤخرا .. مش عارفة المشكلة فياّ ولا إيه ؟ .. ولكن الوضع هنا في رواية تحت سماء كوبنهاغن اختلف لأن البداية كانت موفقة جدا جدا بل فوق الوصف كمان


لينك فيديو المراجعة على اليوتيوب





لينك المراجعة على البلوج

الكاتبة أبدعت في نقل حالة أهل المهجر أو الجالية العراقية في الدنمارك وساعدها طبعا موهبتها ولغتها الجميلة وجايز انطباعي بكون كل ماكان بالبداية هو حقيقي بسبب معرفتي بخلفية حياة الكاتبة نفسها وإن الأحداث تتشابه بطريقة ما ..
مشكلتي بدأت مع بداية انتقال بطلة الرواية هدى لفترة المراهقة وحتى نهاية الرواية استمرت الأحداث بالانهيار وتحولت الرواية إلى كتاب سيرة ذاتية أو الأفضل أن نوصفها بالخواطر،وانحرفت حوراء عن الفكرة الهامة من وجهة نظري واللي هي حياة المهجر وعمق عرضها لقصة حب عادية بين امرأة ورجل متزوج غير راض عن زواجه ف انتقصت من قيمة الرواية وهدفها
......
هدى اللي قررت كتابة مذكراتها في شكل رواية وترجمتها للغة العربية بتتصل نتـيّــا عن طريق الايميل بالشخصية الرئيسية الثانية وهي رافد الراجل المتزوج عراقي الجنسية ومهاجر أيضا للدنمارك، ومع بداية تلك اللحظة تتحرك مشاعره إلى هدى واللي بيكتشف عنها وعن حياتها الكثير من خلال ترجمته للنص طبعا وبيقع في غرامها .. قصة حب غير منطقية ومااقدرتش لا اتفاعل مع الشخصيتين ولا أفهم أعذارهم أو أهدافهم ، بالتالي في النهاية للأسف الرواية كانت محبطة ليــّا وكنت اتمنى لو استمر الكلام عن معاناة عرب المهجر بصورة أطول




Read More

الأربعاء، 28 ديسمبر 2016

The Girl on the Train Paula Hawkins - ketabablelnoom on Goodreads

Facebook
Google+
Linkedin
Pinterest
Delicious
12:30:00 م  , , , , ,  


My rating: 3 of 5 stars


من بداية السنة وإعلانات نزول الفيلم السينيمائي وكالعادة بيبدأ الجدل ما بين معجبين الرواية أو الكتاب والعمل الأصلي وبين معجبين العمل المقتبس حولين كل النقاط الممكن والغير ممكن الخلاف علي

description

قراء كثير انزعجوا من الجزء الأول في الرواية بسبب بطء وتيرة الأحداث وتكرار المواقف والجمل


لينك فيديو المراجعة على اليوتيوب






لينك المراجعة على البلوج

لكن تفهمت طبيعة بطء البداية واللي اتصور انها مقصودة وملائمة لتقديم الشخصية الرئيسية وطابع حياتها والحقيقة لم أندهش بتحويلها لفيلم سينيمائي لانها تشبه كثير من أفلام الإثارة والتشويق المنتشرة حاليا في كذا حاجة ومن هنا يجي ارتباطها مع ناس كتير بقصة
( Gone Girl )
مع فارق هائل - من وجهة نظري - في الحبكة والنقلة الدرامية ورسم الشخصيات ، الصراحة الرواية مش زي ما سمعت عنها استثنائية بالعكس عادية جدا وشبه أقرانها من القصص البوليسية المعقدة لأجاثا كريستي أو أفلام هيتشكوك مع احترامي الكبير للأعمال دي والفوارق اللي بينهم طبعا ،لكن هي فعلا لم تأتي بجديد بالمرة بس ما أنكرش استمتاعي بالتخبط المقرون لآراء كل واحده من الثلاث سيدات خاصة وكونهن لسن مصدر ثقة بسبب أفعالهن واختيارتهن مرة بعد مرة ، ومع الوقت كنت محتارة هل من المفروض الحكم عليهن واحتقارهن أم التعاطف معهن وتقبل إحساسهن بالذنب والرغبة في التوبة وترك الخطيئة.




Read More

الثلاثاء، 27 ديسمبر 2016

وقالت لي للكاتبة دعاء عبد الرحمن - كتاب قبل النوم جودريدز

Facebook
Google+
Linkedin
Pinterest
Delicious
9:03:00 م  , , , , ,  


My rating: 2 of 5 stars



في الحقيقة الرواية كانت مسلية إلى حد ما لكن معرفتش تأثر فيا ولا علقت براسي أي من أحداثها ومن وجهة نظري هي فعلا أشبه بأفلام ديزني المخصصة للعائلة
لكن مع توجه إسلامي أو جو من الالتزام وده اللي شهر مقولة الرومانسية الحلال طبعا لاحتوائها على الوعظ الديني وإن كان غير مباشر خاصة في الرواية دي على غير اللي قبلها


لينك الريفيو على اليوتيوب :





لينك الريفيو على البلوج :


ده مش عيب ولا عندي مشكلة مع المبدأ أو الأسلوب خاصة إنه من الواضح ليه موريدين ومعجبين كتير أوي وعلى ما أعتقد إن ده في حد ذاته نجاح وإن كان لم يعجبني الشكل المكتوبة بيه لكن ما اقدرش انكر الحقيقة ، للأسف الحبكة كانت طفولية وغير مقنعه بالنسبة لي وبالتالي في النهاية أعتقد إن نجمتين كفاية جدا
ومن ضمن الأفكار اللي خطرت على بالي أثناء القراءة هي اختلاف خيال القراء و الناس اللي بتتخيل العالم الغامض ده على منوال ريهام سعيد وحلقاتها عن العفاريت والجن وماشابه واللي جايز الكاتبة حاولت تشير إلى نفس الفكر المتخلف من خلال الأحداث وأمور الشعوذة وشيوخ المنصر المنتشر خاصة في المناطق الشعبية وأهلها




Read More

الاثنين، 26 ديسمبر 2016

في ممر الفئران للكاتب أحمد خالد توفيق - كتاب قبل النوم جودريدز

Facebook
Google+
Linkedin
Pinterest
Delicious
8:40:00 م  , , , , , ,  


My rating: 4 of 5 stars


رواية ديستوبية جديدة للعراب والحقيقة انها شدتني من الصفحات الأولى واعتراف جايز يكون غريب لكني ماكنتش من عشاق ماوراء الطبيعة ولا قريت قبل كده نسخة أسطورة أرض الظلام - اللي هي أصل رواية في ممر الفئران - مش عارفة اذا كان موقفي ضعيف ولا قوي بعد المعلومة دي للحكم فعلا على كتابة وأسلوب دكتور احمد خالد توفيق

description


لينك فيديو المراجعة على اليوتيوب






لينك المراجعة على البلوج

الرواية فكرتني بأفلام ومسلسلات كتير أجنبية خصوصا موضوع نهاية العالم والنيزك جو فيلم
Armageddon وApocalypse
حتى موضوع غيبوبة الشرقاوي وانتقاله لبعد تاني فكرني جدا بمسلسل بريطاني كنت بحبه اسمه
Life on Mars
لكن طبعا مش معنى ان الرواية مشاهد او افكار فيها فكرني بحاجة تانية انها فاشلة او بتقلد ابدا اي حد بيقرا فاهم ومدرك ان الافكار بتتكرر وتتلاقى في نقط وتختلف في غيرها .
عجبني - عكس معظم الناس - السوداوية والنهاية المنطقية بالرغم من استيائي بس من نقطة تحول شخصية الشرقاوي كنت حاسة انها محتاجة تمهيد أكتر او علامات ، الصور طبعا وتفاصيل العالم الجديد المخلوق في الظلام وطريقة التعاملات تكيف البشر مابعد النيزك ومن الحاجات اللي استفزتني وشفت انها ملهاش لازمة قصايد نجوان مش عارفة ليه كانت تقيلة على قلبي .. تساؤل لماذا انقرضت الديناصورات صفحة ١٤٢ عجبني جدا وطريقة شرح النظريات الثلاثة ...
في النهاية من رأيي إننا محتاجين كتب شبهها وفن مليان اسقاط ورموز تعيد لينا من تاني قيمة الأدب وشحن الأدمغه بدل ما كل حاجة بقت مباشرة ومملة




Read More
الاشتراك في: الرسائل (Atom)