التغلب على ملل القراءة
HOW TO OVERCOME READING SLUMPS
Reading Slump
هي اسوأ كوابيس أي قارئ نهم ، إزاي كونه مش قادر يقرا أي كتاب ..
الوحش الكاسر وأكبر مشاكلنا اللي بنحكي عنه هو بيتمثل في حالة ملل من القراءة أو زهق بيعرف تحت مصطلح انجليزي Reading Slump
و الترجمة الحــرفية ليها كتير :
عثرة القراءة - تراجع القراءة - انحصار - ركود - إلخ
وأي قارئ على مستوى العالم معرض لها وأعراضها الأولية إن القارئ نفسه تنسد عن فعل مرتبط بيه يوميا ليصبح عاده أساسية ويرفض أي كتاب ف النتيجة توصل لشعور قهري بالذنب وإحساس داخلي بالفراغ وفقدان القدرة على الاستمتاع المصاحب لصفحات الكتب بين إيديه..
الحقيقية إني عانيت من مشكلة القراية أو Reading Slump لمدة طويلة جدا تكاد تكون حوالي سنة وتصورت إن السبب أمر ذهني مرتبط بالتقدم في العمر مثلا أو إني اتحسدت وأصابتني عين وتحولت لغبية لا تفقه كلمات بسيطة في أي كتاب وجربت نصايح وأفكار سمعتها من ناس كتير وتوصلت لعدد من النقط نجحت فعلا معايا شخصيا وف نفس الوقت مشتركة مع أفراد مختلفة أثبتت كمان نجاحها معاهم .
١٠ نقط قدرت اتخلص بيها من مشكلة ملل وزهق القراية أو Reading Slump :
١) خد لك بريك بالظبط زي إعلان KitKat المشهور
، الحل في تغيير النمطية في حياتنا والخروج للعالم الواقعي مع الأهل والأصحاب وتقضية وقت ممتع مهم لشحن طاقتنا.
٢) اختار كتاب حجمه صغير مع موضوع بسيط وكلمات سلسة بالتالي بمجرد انتهائي من كتاب أو حتى اتنين بنفس الشكل بيقضي على إحساس الذنب وفقدان الأمل اللي سببه Reading Slump و يتبقى الشعور كوني انجزت فعليا شئ ولو كتاب صغيّر.
4) دور بين الكتب على موضـوع ممكن يشــدّك.
5) تابع ناس بتحــب الكتب على الســوشـيال ميديا وتواصل معاهم سواء كان الفيس بوك Facebook - انستقرام Instagram - جودريدز goodreads .. النقاشات وتبادل الآراء في أي مجال له سحره وتأثيره دوما.
6) تابع بوكــتـيوبـرز على اليوتيوب booktubers وتعتبر من أكثر الطرق تفاعل وحماس خاصة كونها بطريقة ممتعة ومتاحه للجميع ولا يهم نوعية القنوات أو لغتها ،اختار فقط المناسب لذوقك وأكثرهم تحفيزا لك.
7) تقسيم عدد صفحات الكتاب اللي وقع عليه الاختيار لجزء يومي ويستحسن يكون رقم صغير وفي وقت مناسب ليك خلال اليوم.
8) الخطوة هنا قد تكون شخصية أكثر وهي دخول السينما ومشاهدة أي فيلم جايز بسبب مكانة وحب السينما في قلبي.
9) اشترك بنوادي مناقشة الكتب المتواجده في المكتبات المعروفة القريبة من بيتك أو حتى إن لم تتوفرفدائما أبدا هناك الجودريدز وجروب المناقشات في كل بلد وبكل اللغات كمان.
10) اسمع كتب صوتية Audiobooks وتعتبر النقطة الأخيرة وأهمهم تأثيرا عليّا وسبب رئيسي لمساعدتي على الرجوع لعادتي وهوايتي المفضلة ألا وهي طبعا القراءة،حاليا الموضوع أصبح متوفر بشكل كافي وخاصة العربية ولكتب كبيرة ومهمة.
في النهاية أتمنى من كل قارئ البحث عن خطواته وطرق خاصة بيه لمساعدته وألا يفقد الأمل سريعا ويستسلم لانسياق مشاعر الاكتئاب والإحباط المتولدة نتيجة لفترة مؤقتة من الملل أو الزهق لعلها تكون قصيرة.
في النهاية أتمنى من كل قارئ البحث عن خطواته وطرق خاصة بيه لمساعدته وألا يفقد الأمل سريعا ويستسلم لانسياق مشاعر الاكتئاب والإحباط المتولدة نتيجة لفترة مؤقتة من الملل أو الزهق لعلها تكون قصيرة.
